ബാല്യകാലസഖി

       ബാല്യകാലസഖി  
മിന്നാമിനുങ്ങിൻ നുറുങ്ങുവെട്ടംപ്പോൽ
അണയാതെൻ ചാരത്തു നിന്നു നീ
കൂടെ കളിച്ചീടുവാൻ , കൂടെ ചിരിച്ചീടുവാൻ
ഈറൻ മിഴികളെ തലോടീടുവാൻ
മണ്ണപ്പം ചുട്ടൊരോർമ്മകൾ
തുമ്പപ്പൂ തേടിയലഞ്ഞൊരോർമ്മകൾ
കടലാസുതോണി പുഴയിലുലഞ്ഞൊരോർമ്മകൾ
മറന്നുവോ നീയെൻ ആത്മസഖി??
ഋതുക്കൾ മാറിമറഞ്ഞു
പാടവരമ്പോ കാൺമാനില്ല
മണ്ണപ്പം ചുട്ടു കളിക്കുവാനിന്നു
ആർക്കുനേരം??
മക്കൾക്കോതിക്കൊടുത്തീടുവാൻ
കഥകൾ മാത്രമാണാക്കാലം
അവരറിയില്ലോരുനാളും ആക്കാലത്തിൻ സുഗന്ധവും മഹത്വവും...
Dr Shinu Syamalan

**കാത്തിരിപ്പ്**

ദൂരെയെങ്കിലും വിദൂരമല്ല
ആ ദിനം
നിന്നെ ഒരു നോക്ക് കാണുവാൻ
ഞാനെന്നും കൊതിക്കുന്നു

നോക്കിയിരുന്ന് കണ്ണ് കഴച്ചാലും
മനസ്സ് വിതുംബില്ല
കാത്തിരിക്കും നിന്നെയുമോർത്ത്
ഇൗ ജന്മം ...

സ്വപ്നങ്ങൾ മരിക്കുന്നില്ല
മണ്ണടിയുന്നില്ല
ആകാശക്കോട്ടകളിൽ കൂടുണ്ടാക്കി
എന്നും പാറി നടക്കും...

ഇനിയൊരു ജന്മമുണ്ടെക്കിൽ
ഒന്നുചേരാം
മഞ്ഞുനീർമുത്തുപോലെ കൈക്കുബിളിൽ
സൂക്ഷിച്ചീടാം....

Dr Shinu Syamalan

മരണം

ജീവിച്ചിലൊരുന്നാളും
മരണം മഞ്ചലുമായി എത്തിടുമ്പോൾ
ഭ്രമംപൂണ്ട്‌ ജീവിതമാകെ ഓടിനടന്നു
വാടിത്തർന്ന പൂവിതളുകൾപോലെ

മോഹങ്ങൾ മരവിച്ചുറഞ്ഞു
പ്രണയമോ തേടിയലഞ്ഞുരുകി തീർന്നു
പ്രാണവായു നിലചീടുംനേരം
ഒരുപിടി ഓർമകൾ മിന്നിമറഞ്ഞു

ഊന്നുവടിയിലാടിയ വാർദ്ധക്യമേ
നിനക്കു വിടചൊല്ലുന്നു ഞാൻ
ഇനി തെല്ലും ചിരിക്കില്ല നീ
എൻ കാലിടറിയ വീഴ്ച്ചകളിൽ

മധുരനൊമ്പരമേകിയ പ്രിയസഖി
നിന്നെ വിട്ടകലുവാനാകുമോ??
നീ കരയുമ്പോൾ കൂടെ വിതുമ്പാൻ
ദൂരെ മരചില്ലയിൽ ഞാനൊരു വേഴാമ്പലാകാം

തേടിയതൊക്കെയും നേടിയതുമില്ല
നേടിയതൊക്കെയും കൊണ്ടുപോകുന്നുമില്ല
ആറടിമണ്ണിലുറങ്ങും നേരം വിട്ടക ലുമോ
അന്ത്യശ്വാസകണികകൾ പോലും?
     ഡോ ഷിനു ശ്യാമളൻ

പ്രണയം

   ✨പ്രണയം✨

അന്തിക്കടലിൽ മുങ്ങിത്താഴും
വെൺസൂര്യനെ ചുംബിക്കുംനേരം
തിരകൾ കാതിൽ മെല്ലെ ചൊല്ലി
കാറ്റിൻഗതിയിൽ എന്തേ കേട്ടില്ല ഞാൻ

പറയാതെ അറിയാതെ
നുകരാതെ പോയ എൻ പ്രണയമേ
ഇടനാഴിയിലെങ്ങോ കേട്ടുമറഞ്ഞ
നിൻ കാലൊച്ച
മെല്ലെ മന്ത്രിക്കുന്നതുപോലെ

കണ്ടില്ലെന്നു നടിച്ച ആ മിഴികൾ
പറയാതെ പറഞ്ഞ ആ അധരങ്ങൾ
പുസ്തകത്താളുകളിൽ എന്നോ കാത്തുവച്ച
മയിൽപ്പീലിപോലെ ഇന്നും സുന്ദരം

ഇനിയൊരു നാൾ വന്നുചേരുമോ??
ഹൃദയത്തിലെങ്ങോ കോരിവരച്ച
നിൻരൂപം
ഒരുനോക്കു കാണുവാൻ
ഇന്നും ഞാൻ കേഴുന്നു..

ഡോ. ഷിനു ശ്യാമളൻ